Kamis, 05 Oktober 2017

Hirup Teu Puguh

Hirup geus hampir nincak 35 taun, kuduna mah geus mapan secara materi, spiritual, jeung lainna. Tapi urang mah kieu wae, asa euweuh perubahan. Naon nu salah sih?

Ti saprak kaluar SMA, urang mah tara hirup ti beurang, unggal peuting ngahephep wae di imah. Mun beurang sare tibra, tara amprok jeung jelema di luar. Komo saprak boga hp android, beuki parah wae kahirupan teh, poho kanu kanyataan, lobana ulukutek ngoprek hp.

Kanu ibadah geus poho, kanu olahraga hoream, ngobrol jeung jelema oge jarang, komo neangan jodo mah geus euweuh niat weh. Hirup teh asa beuki nyaman sorangan, teu paduli urusan batur, nu penting urang bisa boga udud jeung kopi keur bekel begadang.

Kos kitu kahirupan urang mah salila kurang leuwih 14 taun, nu jadi ngabentuk karakter jeung mental urang ayeuna. Ditambah kondisi keluarga nu teu dumuk, nu jadi pikiraneun wae. Mantakan tong heran mun urang gampang emosi, pundungan, pangeblukan, eraan atawa teu percaya diri.

Ayeuna boga pagawean oge penghasilanna teu dumuk, boro-boro ngumpulkeun duit keur masa depan, keur jajan sapopoe ge beak wae. Jadi teu semangat digawe teh, euweuh target, euweuh motivasi. Sakapeung sok mikir hayang ngarantau jauh ti lembur, fokus digawe di lembur batur, neangan duit keur bekel hirup di usia senja. Tapi da urang mah teu boga kawani, teu bisa nekad, jeung euweuh kesempatan.

Kudu kumaha deui hirup ari geus kieu, hayang ngarubah ge ngan bisa niat di hate, praktekna mah hese. Nu aya ngan kesel hate, nyalahkeun masa lalu, nyalahkeun kolot nu teu becus ngurus anak, da ti leuleutik diterlantarkeun wae.

Omat kanu maca ieu tulisan, kanu geus boga keluarga, boga anak. Ulah sok nerlantarkeun kahirupan anak, rek susah rek senang ge kudu daek ngurus anak, ameh anak maneh boga karakter jeung mental alus, boga masa depan cerah, boga semangat hirup. Ulah nepikeun kawas urang, jadina hidup enggan mati tak mau tea.

Perjalanan hirup jelema mah tergantung didikan nu jadi kolotna, nu ngabentuk karakter jeung mentalna saumur hirup.

Selasa, 26 September 2017

Kabar Dari Millenium

Ketika itu sekitar akhir tahun 1998, aku sedang asik membaca berita di koran ibukota terkemuka, sambil rebahan diatas bale, sekilas kubaca barisan judul artikel yang memberi informasi dari masa depan, yaitu abad millenium. Entah kenapa aku selalu antusias bila membaca berita tentang masa depan, dan bahkan berita masa lalu pun aku suka.

Baris ke baris dalam artikel itu aku lahap, sambil terbayang kondisi dunia di jaman millenium yang akan datang. Aku berpikir dan membayangkan tentang informasi dari artikel itu. Bahwasanya, di jaman millenium nanti, perdagangan dunia akan bebas, teknologi akan menguasai dunia, segala sesuatu akan dipermudah oleh teknologi. Dalam hatiku bergumam, ah itu mah cuma khayalan orang-orang pintar saja, kenyataannya tidak akan semudah dan secepat itu.

Setelah membaca artikel itu, aku merasa terkesan. Apa betul jaman millenium akan secanggih itu? Padahal waktu itu teknologi masih terasa asing, bahkan langka. Meskipun ada, harganya juga pasti mahal. Beberapa tahun kedepan juga millenium akan datang, apakah akan secepat itu perkembangan teknologi?

Dari 1998, 1999 sampai menginjak abad millenium, yaitu tahun 2000. Masih ku ingat artikel dari sebuah koran yang aku lupa nama dan judulnya, yang aku ingat hanya kabar buram tentang masa depan saja.
Awalnya teknologi tidak terlihat berkembang terlalu pesat, perdagangan dan branding juga masih kelihatan yang itu-itu saja. Kebetulan tahun 2000 aku masuk sekolah SMA, kehidupan sosial mulai bertambah luas. Pertengahan tahun 2001 ku lihat ada teman sekolah yang membawa handphone merk Nokia, fiturnya masih monokrom dan monoponik.

Sejak itu lah, perkembangan teknologi mulai terlihat menggeliat. Ketika merk Nokia menguasai pasar handphone, diikuti Sony Ericsson, Motorola, dan lain sebagainya. Era fitur phone cukup lama menguasai teknologi komunikasi, hingga munculnya system operasi symbian yang dibawa nokia. Tidak sampai di situ, muncul pula produk-produk handphone dari China, dengan merk Nexian dan kawan-kawannya, menguasai pasar kelas bawah. Tapi merk Nokia dan Sony Ericsson masih berada di kelas atas, karena kualitas dan teknologi yang lebih canggih. Hingga akhirnya kelas atas pun dihantam dengan kemunculan Smartphone dengan merk BlackBerry asal Kanada. Pecah sudah semuanya, orang-orang berkemampuan ekonomi ramai-ramai menggunakan Smartphone BlackBerry.

Tapi semua itu tidak ada apa-apanya ketika Google merilis system operasi Android, sebenar-benarnya Smartphone, tidak seperti BlackBerry, kali ini sistem operasi benar-benar terbuka untuk dikembangkan oleh pengguna. Series Galaxy dari Samsung mulai menguasai jagad Smartphone, dari kelas bawah sampai kelas atas, meski di kelas atas ada juga Smartphone eksklusif, yaitu iPhone buatan Apple.

Sejak itulah, OS Android tersemat diperangkat-perangkat smartphone baik merk lokal maupun dari luar negeri. Cuma Nokia yang tidak mau menerima kehadiran Android, malah memilih bekerjasama dengan Microsoft, dan akhirnya bangkrut karena gagal bersaing dipasaran.

Hingga saat ini, Android masih menguasai pasar Smartphone, bersama iPhone di kelas atas. Bahkan kelas atasnya Android juga mampu bersaing, ada Sony Xperia, Google Pixel, dan juga Samsung Galaxy S series. Di kelas menengah kebawah ada Xiaomi, Oppo, Vivo, Huawei, LG, Advan, Smartfren Andromax, dll. Mereka masih setia menggunakan Android, bahkan gadget selain smartphone juga sudah banyak yang menggunakan sistem Android. Untuk jangka waktu beberapa puluh tahun kedepan perkembangan Android sepertinya akan terus selalu terdepan, seiring kemajuan teknologi dunia yang dikomandoi oleh Google.

Inilah kabar dari Millenium itu, kemajuan teknologi berkembang pesat, perdagangan bebas merajalela.  Kita cuma jadi konsumen, target pasar untuk mereka. Toko-toko handphone berjejer dari kota sampai ke pinggiran,  tidak ketinggalan konter-konter pulsa dan servis handphone,  berlomba-lomba mengikuti perkembangan teknologi smartphone.  Lalu kapan kita bisa membuat produk dan teknologi sendiri? Kapan kita bisa merdeka dari penjajahan ekonomi dan teknologi? Kita ini sedang dijajah, kawan!

Demikian ulasan tentang teknologi millenium dari saya sebagai orang awam, mohon maaf bilamana terdapat banyak kesalahan kata maupun fakta. Mari kita belajar menguasai teknologi, tidak hanya sebagai pengguna saja,  kita harus bisa membuat dan berbuat banyak untuk dunia. Kita doakan semoga generasi selanjutnya bisa lebih maju dari kita. Merdeka !!!

Rabu, 20 September 2017

Seven Reason

Kunaon uing Jomblo wae sapopoe?

Kahiji, sigana padah uing mah hirup teh tipeuting wae, jadi euweuh waktu keur manggihan jodo. Sok weh pikir, kumaha rek manggih jodo mun unggal beurang sare, hudangna sore, mun peuting digawe atawa di imah wae nepi ka isuk molototan hape. Coba mun hirup normal kos batur mah, beurang teh beraktivitas, digawe amprok jeung loba awewe, numpak angkot pagigir-gigir jeung awewe, jalan-jalan oge loba awewe di sisi jalan, sigana leuwih tereh meunang jodo mun kitu mah.

Kadua, uing mah hirup teh asa teu umum, terbelakang, katro, jeung belegug. Ari batur mah palinter ngamanfaatkeun sosial media, neangan awewe di pesbuk, di bbm, atawa di tinder. Malahan boga akun sosmed oge loba, babaturanna awewe doang. Barisaan basa-basi, palinter ngalebay, teleponan ayang-ayangan, daraek kopdar ketemuan jeung awewe. Jaman ayeuna mah geus teu aneh meunang jodo di dunia maya, malahan loba nu meunang awewe nu gawe di arab, rela nungguan 2 taun nepi awewena balik, terus kawin modal duit ti arab.

Katilu, mun uing aplod foto di sosial media jarang pisan aplod foto selfie, paling oge foto-foto pemandangan alam atawa screenshot hape. Ari batur mah pan instagramna teh lolobana foto selfie, meuni pakasep-kasep, masang tampang keren atawa unyu-unyu. Fotona diedit heula, jauh pisan jeung aslina. Lokasi fotona ge nu instagramable, biasana di kafe, di lapang futsal, atawa di gim ameh katempo maskulin.

Kaopat, tara mandi, kumaha awewe daek deukeut jeung jelema nu bau awak, da tara mandi, sapopoe kucel kawas gelandangan. Hudang sare langsung ngopi, tara sibeungeut heula, komo gosok gigi.

Kalima, gaya pakean, uing mah teu betah pisan gagayaan make baju alus, make calana panjang, komo make sapatu. Jauh leuwih keren tukang cuanki dibanding uing mah.

Kagenep, uing mah hirup di keluarga nu acak-acakan, boro-boro mikir neangan awewe, masalah keluarga oge teu beres-beres. Nanggung tanggungjawab jadi anak cikal teh karasa beurat, nu akhirna mah teu bisa ngalakukeun nanaon keur keluarga oge, da beurat teuing.

Katujuh, ekonomi intina mah, mun uing sukses, boga perusahaan, boga penghasilan gede, bisa meuli perumahan jeung mobil, boga asuransi, boga rekening nu saldona moal beak tujuh turunan, otomatis  awewe oge bakal ngudag-ngudag ngajak ka KUA. Awewe mana sih nu teu daek ka lalaki nu boga masa depan cerah? Mun uing mah pan poek wae.

Sakitu weh alesan mah. Asal ulah dianggap homosapiens, homo electrus, homo wajakensis, jeung sajabana. Asli jomblo ti orok uing mah.

Jumat, 15 September 2017

Sagala Instan

Jaman ayeuna, jelema geus sagala hayang instan, hayang nu tereh, hayang nu langsung, hayang nu GPL, sagalarupa lah. Prosesna mah geus teu dipentingkeun, pokona mun manehna hayang taeun kudu adakadabra langsung jadi taeun saharita keneh.
Beda jeung jaman bareto keur can rame teknologi, nanaon ge kudu make proses, malah prosesna ge panjang jeung lila. Mun hayang beunghar kudu daek nabung, atawa usaha ngabanting tulang, komo aya nu nepikeun muja ka setan bari jeung syaratna ngorbankeun nyawa. Aya deui nu hayang boga elmu kasaktian, prosesna lila pisan, kudu tapa brata mangpuluh-puluh taun di jero guha, digoda ku oray, ku awewe geulis, jeung sajabana. Tapi kudu kuat nahan eta godaan, da hayang sakti tea.

Balik deui ka jaman ayeuna, jaman teknologi dimana-mana. Sagalana hayang tereh, dimimitian ku SMS, ngirim pesan ngan itungan detik atawa menit, eta ge mun operatorna keur teu sibuk, da mun sibuk mah angger weh SMS teh pending. Teu puas nepi kadinya, beuki ka dieu teknologi beuki canggih wae, dijieunkeun aplikasi Instant Messaging, leuwih cepet tibatan SMS, ieu mah harita ngetik ge langsung nepi pesan teh, geus jarang aya nu pending kecuali kuota internetna beak.

Tah, ti saprak aya Instan Messaging eta kahirupan teh asa beuki teu ngeunah wae karasana, eutik-eutik bijil notifikasi dinu hape, kumaha rek tibra sare ari diganggu kunu kitu wae mah. Tapi anehna, eta aplikasi teh jadi kabutuhan hirup, tiap-tiap jelema nu boga hape pasti ngainstall aplikasi BBM, Whatsapp, Telegram, FB Messenger, Line, WeChat, IMO, jeung sajabana. Minimal ngainsall salah sahiji aplikasi eta, malahan jadi kawajiban, da mun teu make teh majarkeun bakal katinggaleun info, hese komunikasi jeung babaturan atawa keluarga, hese neangan duit ongkoh. Leuwih piragabeun deui mun geus asup grup chat, leuwih sering bijil eta notifikasi teu penting teh, wayah kumaha oge eta dijero grup chat aya wae nu ngirim pesan, teuing pesan kasaha, da angger ka uing oge nepi.

Aya pangalaman uing nu pikasebeuleun, sering pisan kajadian di grup chat. Kieu, mun uing keur ngeunah-ngeunah chatting jeung hiji babaturan, ujug-ujug si babaturan eta teh ngirim pesan ka grup chat nu aya uing oge, di hape uing pan bijil tah notifikasina ti aran si eta, terus ku uing dibalesan langsung di status bar (pan android versi anyar mah ngabales pesan ge teu kudu muka aplikasina, cukup narik status bar geus aya kotak keur nulis pesan, bisa langsung dikirim), ari pamikir uing mah eta teh pesan keur ka uing pribadi, da tadina ge keur ngobrol duaan, ari ditelek-telek teh geuning di grup, jaba teu bisa ditarik deui atawa dihapus eta pesan teh. Pan wirang ka uingna, komo mun aya nu kasinggung ku pesan uing di grup eta, bakal jadi pipaseaeun, minimal tanda tanya ka uing.

Tah, ti saprak kajadian model kitu, uing jadi kapok miluan grup chat di instan messaging. Cukup weh sososialan mah di instagram atawa pesbuk, mun hayang informasi aptudet nya di twitter, najan salah posting oge bisa langsung dihapus. Tapi uing ge moal sapenuhna ninggalkeun aplikasi chat. Make mah make keneh, tapi moal miluan grup deui, ngan keur komunikasi jeung nu akrab weh, nu minim tinu tanda tanya, nu geus apal uing kumaha ayana.

Sakitu carita ti uing, hampura bisi aya salah pesan, salah kirim, jeung salah kamar chat. Maklum uing mah sok loba poho, loba salah mikir, loba salah mencet. Sakali deui hampura. Wassalam.

Senin, 17 April 2017

Carita ti Sisi Kota

Sakapeung hirup teh hayang cicing di leuweung, jauh ti kota, jauh jeung teknologi. Sigana adem ayem mun hirup bareng jeung alam, pepelakan palawija, ngingu hayam jeung mbe. Bakalan awet ngora, moal loba huis.

Katingalina karunya pisan jelema nu hirup di kota, sapopoe dipencet ku gaya hirup, ngudag-ngudag dunya keur neangan isi peujit, komo nu ngudag-ngudag kamewahan mah, meuni ngahalalkeun sagala cara keur neangan harta.

Jelema nu gawe di pabrik, meuni kos robot digawena. Balik gawe cape, langsung sare, hudang sare buru-buru mangkat gawe, da bisi telat. Geus poho weh ka kaluargana.

Nu digawe di pasar meuni ciweuh nyiapkeun daganganna, sakapeung pura-pura someah ka pelanggan da ameh laku daganganna, padahal hatena mah kesel da nu rek meuli teh rarujit tuwar-tawarna.

Nu jadi supir angkot ge sarua ripuh, ti subuh nepi ka peuting bulak balik mawa angkot neangan penumpang, pegel suku pegel bujur neangan receh keur ngudag setoran kanu boga angkot. Komo leuwih watir mun kena rajia ku pulisi atawa kacilakaan angkotna nyenggol gorobag tukang baso, katempuhan weh.

Tukang ojeg sarua wae. Mun panas, kapanasan. Mun hujan, kahujanan. Gugupay ka unggal jelema nu karak turun ti beus atawa angkot, ngarep-ngarep menta diojegkeun. Leuwih apes mun nu numpakna teh begal, ditodong di totoang atawa dirogahala nepi ka maot di sisi jalan, motor jeung dompetna dirampas ku begal goblog.

Aya deui nu digawe di konter servis hape, unggal poe ulukutek jeung hape. Beres nu ieu, datang deui nu itu, da rarusak wae hape teh, moal aya benerna. Tambah jangar sirah mun ngagarap hape nu rusakna kabina-bina, geus digulang-gaper oge angger rusak, da takdirna kudu geus rusak. Leuwih pisebeleun mun aya hape rusak datangna hurung keneh, pas digawean kalah paeh hape teh, tungtungna mah ngagantian saharga hapena, da nu bogana ambek-ambekan wae nungtut menta digantian. Pan sue !

Tah kitu hirup mah mun cicing di kota teh, loba picaritaeun teu ngeunahna. Moal aya tengtremna hirup di kota mah, ripuh jeung ripuh terus. Da hirup di kota mah euweuh deui piliheun, kudu daek itu ieu sanajan kanyataanna peurih. Mun sare wae, lapar, moal aya nu mere kopi kopi acan. Mun gawe wae, rieut, kuat nonggeng-nonggeng ngorehan duit.

Matakan hirup mah meuning di leuweung, cicing jeung maung, jeung monyet, jeung mbe, jeung sajabana. Kadaharan ge tutumbuhan, dangdaunan, jeung beubeuleuman, moal aya kolesterol jahat.

Sakitu weh heula, pandangan ti uing nu kapaksa hirup di sisi kota, mudah-mudahan urang sarerea bisa geura-geura hijrah ka tengah leuweung.

Sabtu, 15 April 2017

Jadwal Aktipitas Sapopoe

04:30 - Solat Subuh
05:00 - Ngawirid
05:30 - Ngahuduk Bi Nyai
06:00 - Maraban jeung Ngencarkeun Hayam
06:30 - Naheur Cai dinu Hawu
07:00 - Ngopi Hideung
07:30 - Nyeuseuh Pakean di Walungan
09:00 - Kuli Macul atawa Tandur di Sawah Batur
12:00 - Solat Lohor
12:30 - Ngopi Hideung jeung Kulub Sampeu
13:00 - Ngangon Mbe
15:30 - Solat Asar
15:50 - Ngawadang
16:15 - Ngarit Jukut
17:30 - Ngampihkeun Mbe jeung Hayam
18:00 - Solat Magrib
18:30 - Ngaji
19:00 - Solat Isa
19:30 - Ngawirid
19:50 - Dahar
20:00 - Ngopi Hideung bari ngadengekeun Radio Butut
21:30 - Sare
02:00 - Solat Tahajud
02:30 - Sare Deui

Sabenerna Mah

Sabenerna mah urang teh geus hoream tulas tulis di blog, horem pustang posting di media sosial, tara aya nu merhatikeun.

Sabenerna mah urang teh teu bisa nanaon, ngan bisa gogoleran bari ngopi jeung udud.

Sabenerna mah urang teh hayang boga pamajikan, tapi hoream bobogohan, teu boga duit, teu boga kawani.

Sabenerna mah urang teh hayang jadi petani, tapi hoream bebelokan di sawah jeung sieun oray kadut.

Sabenerna mah urang teh hayang pisan jadi jelema soleh, getol solat, getol ngaji. Tapi hoream ka cai na.

Sabenerna mah urang teh hayang ngarantau jauh ka luar negri, tapi hayang jeung abah jeung si lingga, si tio ge ajakan.

Sabenerna mah urang teh ngora keneh, tapi geus loba huis jeung tara mandi, jadi kokoloteun.

Sabenerna mah urang teh kasep, tapi euweuh nu bogoheun, jadi goreng.

Sabenerna mah urang teh hayang hirup ti beurang, tapi sok hese sare ti peuting.

Sabenerna mah urang teh parusing, tapi mbung mabok, sieun utah.

Sabenerna mah urang teh jenuh, tapi teu bisa represing ka gunung atawa ka laut, da euweuh baturna.

Sabenerna mah urang teh romantis, tapi euweuh awewena.

Sabenerna mah urang teh teu bogoh ka si sasha, tapi sok inget wae, padah alus aranna.

Sabenerna mah urang teh betah di imah, tapi carekan wae ku ema urang, pisebeleun.

Sabenerna mah urang teh hayang jalan2 unggal sore muru layung, tapi diuk wae di konter, jadi ngalanglayung mikiran hape.

Sabenerna mah urang teh hayang balik deui ka taun 90an, tapi pintu ajaib doraemon teh bobodoan.

Sabenerna mah urang teh unggal rek sare sok inget ka babaturan hiji2, tapi hoream ngahubungi.

Sabenerna mah urang teh teu resep pisan narima telepon, asa lebay jeung teu epektip, sok teu kadengean sorana.

Sabenerna mah urang teh embung gawe di konter, tapi resep nyo'o android, jadi betah.

Sabenerna mah urang teh hayang cicing di gunung, tapi bisi euweuh warung nu buka 24 jam.

Sabenerna mah urang teh resep momotoran turing ka luar daerah, tapi sieun pulisi da teu boga sim jeung helm na leungit.

Sabenerna mah urang teh resep pisan popotoan, tapi tara manggih objekna.

Sabenerna mah urang teh embung disebut Atu, matak hese neangan Dua na, jadi sorangan wae.

Sabenerna mah urang teh teu resep nguseup, tapi resep ngahuleng nungguan nyurunud disorang lundu.

Sabenerna mah urang teh geus bosen cicing di Karawang, da geus jadi kota, loba motor loba mobil, hese meuntas.

Sabenerna mah urang teh resep pisan maen bola, tapi David Beckham na geus pengsiun.

Sabenerna mah urang teh teu beuki huduk bi nyai, tapi sok ngubaran lapar unggal geus subuh.

Sabenerna mah urang teh geus tunduh, tapi teu daekeun ngalenyap, jadi HESE SARE.